KUCHING: Bala artis Dayak dilalau enda takut matau muzik
baru enggau rentak moden enti sida deka ngeraup pemujur ba kelang antarabansa.
Pemujur penanyi Iban kumpulan Hevance ke menang dalam Best
Indie Rock Group of South East Asia ba The Voice Independent Music Award (VIMA)
bulan nyin kemari udah ngengkah kayu penyukat ungkup artis Dayak ngambika bisi
nyadika pemanggai ba tikas baru dalam ngelakuka industri muzik Dayak.
Hevance udah meri kelala jauh ari ke dulu suba ke alai jaku
dipeda nyadika penekul dalam ngelaluka muzik Dayak di serata menua tauka
kandang menua Asia Tenggara udah lenyau.
Taja betapi enggau penanggul chelak rumpak ke udah meri
empas ngagai industri nya, Sapit Chairman Kuching Dayak Culture and Arts
Promoters Association (PPSKDK) Isa Lee arap bendar muzik Dayak deka ngembuan
pemujur ba Asia tauka tikas global, enti artis nguna trend baru ke dikena di
serata dunya.
“Kitai enda deka mansang lalu jampat tepantup ati lalu enda
majak bekunda ngemansangka muzik kitai. Kitai enda tau enda berani matau muzik
baru enggau rentak moden,” ku iya bejaku ngagai The Borneo Post bedau lama ke
udah.
Isa nyebut nya bekaul lagu Iban enggau muzik Dayak aruh
berengkah namaka rentak baru ngambika narit ati peninga sereta manggai diri ba
tikas sebaka enggau artis antarabansa. Taja pan nyangka bedau diatu tang
pemujur sida baka artis ari Korea enggau Indonesia enti sida enda sanggu nerima
ubah.
Penatai Hevance diketuaika Aldrich ke udah mantu ngelakuka
muzik Iban ba tikas antarabansa lebuh band nya menang Gelar Best Indie Rock
Group di Asia Tenggara dalam VIMA ke diatur di Kuala Lumpur kena 24 Februari tu
tadi.
“Kami temegah bendar laban Hevance udah ngangkatka industri
muzik Dayak maju sesingkang . Nambahka nya , Hevance nya band Iban ke terubah
iya menang gelar di luar nengeri tu enggau ba luar menua tu ,” ku tambah iya .
Sebedau dikelala ba tikas Asia bulan nyin tadi, Hevance
endang udah bisi nama ba dunya muzik Dayak taja pan baru ngeluarka album sida
ke terubah iya nya ‘Aku Nemu’ taun nyin tadi.
Ba karier sida ke benung pegari diatu, Hevance udah menang
kategori Best Song ungkup lagu hit sida ‘Aku Nemu’ ba Gelar 2012 AJARR. Lagu
nya mega nyadi pemenang ba Kategori Best Dayak Song ba AMD 2012 (Gelar Muzik
Dayak).
Lagu nya udah tebilang dikelala ba tikas nasional lebuh iya
dipilih lagu dalam Social Media Most KAW (ngait) ba Anugerah Carta Borneo Era
2012 (Era’s Borneo Music Chart Award).
“Kami ngarapka Artis Dayak deka nitih singkang kaki Hevance
enggau artis ke udah tegap dikena meri peransang sereta tebilang agi dalam
industri muzik,” ku lalau Isa.
Hevance benung ngaga album studio kedua. Nama album enggau
maya dilanchar nya apin temu.
No comments:
Post a Comment